Guði sé lof fyrir Blaðið

Þetta Kroniku-blað er því miður að valda mér miklum vonbrigðum. Ég bjóst við miklu beittara blaði því að eins og Sigríður Dögg talaði fyrir útgáfu blaðsins, þá taldi ég að Kronikan myndi opna fyrir mér heilan heim af málum sem hefðu legið undir yfirborðinu í skjóli pláss-, tíma- og metnaðarleysis annarra blaða.

Eina greinin sem ég staldraði við í dag var eftir fyrrum kollega minn á Morgunblaðinu, Kristján Torfa, um jenið og krónuna. Mjög fín og auðskiljanleg grein og Kristján er frábær penni eins og sannaðist oft í Viðhorfspistlum hans í Mogganum.

En annað greip mig ekki. Ekki enn í það minnsta.

Í dag heyrði ég svo prentarana vera að hrósa DV svo að ég hugsaði mér gott til glóðarinnar þar, en allt fyrir ekki. Sama tóbakið enn og aftur. Engin hugmyndaauðgi í framsetningu eða efnisvali.

Guði sé lof fyrir Blaðið.

Djók!

 

 

Athugasemdir

[Sigurður Elvar Þórólfsson, 22.2.2007 kl. 22:21]

Kling. Góður djókur...

[Siggi (IP-tala skráð) 28.2.2007 kl. 10:31]

Gaman að þessu bloggi. Sérstaklega í ljósi þess að það kemur frá manni sem starfar á Morgunblaðinu. Því blaði sem á mest í vök að verjast, varðandi lestrartölur og auglýsingatekjur. Grjótið og glerhúsið myndi ég nú segja.  

En Morgunblaðið hefur nú samt flesta og "bestu" blaðamennina á sínum snærum. Það kallast lélegur bisness, og þetta blogg kallast hroki.