Best af öllu

Vek athygli á kosningu á bestu íslensku plötu allra tíma, sem nú fer fram á forsíðu mbl.is (vinstra megin).

Þetta var nokkuð vandasamt verk en mér tókst að lokum að sættast við eigin smekk og kjósa þær fimm sem mér þykir bera af.

Ef menn finna ekki sína plötu á listanum er einnig hægt að skrifa inn þær plötur sem manni finnst vanta.

Niðurstöðurnar verða svo birtar 9. nóv á Degi íslenskrar tónlistar. 

Athugasemdir

[Jón Steinar Ragnarsson, 6.11.2007 kl. 10:12]

Er nú Morgunblaðið búið að taka í fóstur hinn leiðitamamasta síbyljufrasa "Allra tíma"?

Það er engin smáræðis þungi í slíku steitmenti.  Niðurstaðan mun sennilega leiða í ljós plötu, sem er betri en allt sem gott hefur verið gert, frá því að Gunnar á Hlíðarenda tók upp landnámsrímnarapp á hrosshár og þaðan um alla framtíð, svo menn geta lagt niður slíka iðju ef þeir ætla að ná viðlíka árangri.  Ekkert mun toppa slíkt um eilífð alla.

[egill (IP-tala skráð) 6.11.2007 kl. 11:23]

Allra tíma já. Er þá öruggt að það verði ekki hægt að toppa þessar plötur sem eru á listanum?

Spurning um að láta alla vita, þannig að menn geti hætt að reyna, sleppa því bara að gefa út fleiri plötur?

[Höskuldur Ólafsson, 6.11.2007 kl. 15:58]

Niðurstaða kosningarinnar er að sjálfsögðu ekki algild og óbreytanleg. Þetta er meira til gamans gert í tilefni að þessum hátíðardegi.

Kosninguna er að finna vinstra megin á forsíðu, undir Nýtt á mbl.is.

Úrtölufólkið getur svo bara búið til sína eigin kosningu um heimskulegustu kosningarnar.