Það er eitthvað í vatninu í Kanada

Nýja tónlistarhetjan mín kallast Rufus Wainwright. Fæddur árið 1973 í New York-fylki en ólst upp í Montreal í Kanada og hlaut sína tónlistarmenntun þar.

Tónlistarpressan hefur af einhverjum ástæðum lítið verið að skipta sér af Rufusi og vilja einhverjir meina að það sé vegna samkynhneigðar hans, (sú gamla tugga!). Raunverulega ástæðan er að sjálfsögðu sú að meirihluti þeirra sem skrifar um tónlist hefur afskaplega lítið vit á þessari merku list.

Wainwright sendi á dögunum frá sér plötuna Release the Stars sem ég mæli eindregið með. Sérstaklega bendi ég áhugasömum á lagið "Going to a Town".

Annars er á plötunni að finna áhrif frá Billy Joel, Kurt Weil, Philip Glass, Bernstein-bræðrum og gott ef það örlar ekki svolítið á Dvorcak í einu eða tveimur lögum.

 

Athugasemdir

[Trausti (IP-tala skráð) 9.5.2007 kl. 09:03]

Ekki má gleyma ótrúlega góðri útfærslu Rúfusar á laginu hans Leonards Coens, Halleluja sem hægt er að finna meðal annars á Shrek2 disknum.  Rosa flott

[Hallgrímur Óskarsson (IP-tala skráð) 9.5.2007 kl. 10:44]

Sammála þér með Rufus.  Röddin er ótrúlega mögnuð.  Ég heyrði fyrst í honum þegar hann flutti gamla lagið eftir Lennon "Across the Universe" og er það í eina skiptið sem mig rekur minni til þess að hafa heyrt betrumbót á Bítlalagi.  Áfram Rufus.